Ragi- Finger Millet

ചേരുവകൾ:

റാഗി പൊടി-1 കപ്പ്

ശർക്കര-200 ഗ്രാം

എള്ള്-കുറച്ചു വറുത്തത്

ഏലക്ക-1/2 ടിസ്പൂൺ

ഉപ്പ് ആവശ്യത്തിന്

നെയ്യ്-4 ടിസ്പൂൺ

തയ്യാറാക്കുന്ന വിധം

റാഗി പൊടി കുറച്ചു നേരം വെള്ളത്തിൽ കുതിരാൻ വെക്കുക.എന്നിട്ട് കോട്ടൺ തുണി ഉപയോഗിച്ച് അരിച്ചെടുക്കുക.200 ഗ്രാം ശർക്കര ഒരുകപ്പ് വെള്ളമൊഴിച്ചു പാനി തയ്യാറാക്കുക.അരിച്ചെടുത്ത റാഗി പാൽ ഒരുപാത്രത്തിൽ ഒഴിച്ച് തിളപ്പിക്കുക.കുറുകി വരുമ്പോൾ അതിലേക്ക് ശർക്കര പാനി ഒഴിച്ച് നല്ലപോലെ ഇളക്കുക.മധുരം പാകമാകുന്നതിന് കുറച്ചു ഉപ്പ് ഇതിലേക്ക് ചേർത്ത് മിക്സ് ചെയ്യുക.നല്ല പോലെ ഇളക്കിക്കൊണ്ടിരിക്കുക.പാൽ കുറുകുന്നതിനനുസരിച്ചു ഓരോ ടി സ്പൂൺ നെയ്യ് ഇട്ട് തിളപ്പിക്കുക.വെളുത്ത എള്ള് ഇട്ട് നല്ല പോലെ മിക്സ് ചെയ്ത് പാത്രത്തിൽ ഒട്ടിപ്പിടിക്കാത്ത വിധം ആകുമ്പോൾ ഒരു ട്രൈയിൽ നെയ്യ് തേച്ചു അതിലേക്ക് ഇട്ട് തണുപ്പിക്കുക.റാഗി ഹൽവ തയ്യാർ.

ചേരുവകൾ:

ശർക്കര-3/4 കപ്പ്

ഓയിൽ-1/4 കപ്പ്

റാഗിപ്പൊടി -3 / 4 കപ്പ്

ഗോതമ്പുപൊടി -1/4 കപ്പ്

ബേക്കിംഗ്സോഡാ -1/4 ടിസ്പൂൺ

ബേക്കിംഗ്പൗഡർ -1/2 ടിസ്പൂൺ

തയ്യാറാക്കുന്ന വിധം

ഒരു പാത്രത്തിൽ ഒരു മുട്ട ഒഴിച്ച് നന്നായി മിക്സ് ചെയ്യുക.അതിലേക്ക് മുക്കാകപ്പ് ശർക്കര പാനി ഒഴിക്കുക കാൽ കപ്പ ഓയിൽ മുക്കകപ്പ് റാഗിപ്പൊടി കാൽ കപ്പ് ഗോതമ്പു പൊടി കാൽ ടി സ്പൂൺ ബേക്കിങ് സോഡ അര ടി സ്പൂൺ ബേക്കിങ് പൗഡർ എല്ലാം ഇട്ട് നന്നായി മിക്സ് ചെയ്യുക.ഒരു ചെമ്പു പത്രം നന്നായി ചൂടാക്കുക.മിക്സ് ചെയ്ത മാവ് ഒരു പാത്രത്തിൽ ഒഴിച്ച് ചൂടായ ചെമ്പു പാത്രത്തിൽ വെച്ച്കുക്ക് ചെയ്യുക.

ചേരുവകൾ:

റാഗിപ്പൊടി-1കപ്പ്

പഞ്ചസാര- 6 ടിസ്പൂൺ

അരിപൊടി- 2 ടേബിൾസ്പൂൺ

തേങ്ങ-1 കപ്പ്

ഏലക്കാപ്പൊടി-അരടിസ്പൂൺ

ഈസ്റ്റ്-അര ടി സ്പൂൺ

ഉപ്പ്, വെള്ളംആവശ്യത്തിന്

തയ്യാറാക്കുന്ന വിധം

അരി പൊടി ഒരു കപ്പ് വെള്ളം ഒഴിച്ച് കുറുക്കി എടുക്കുക.റാഗി പൊടി ഒരുപാനിൽ ഇട്ട്3 മിനിറ്റ് ചൂടാക്കി എടുക്കുക.കുറുക്കി വെച്ച അരി പ്പൊടിയും റാഗിപ്പൊടിയും മിക്സിയിൽ ഇടുക.അതിലേക്ക് പഞ്ചസാര ഈസ്റ്റ് എന്നിവ ചേർത്ത് വെള്ളം ഒഴിച്ച് നന്നായി അരച്ചെടുക്കുക.അത് ഒരു പാത്രത്തിലേക്ക് മാറ്റുക.തേങ്ങ അരച്ചെടുക്കുക.അരച്ച തേങ്ങയും റാഗിപ്പൊടിയും എല്ലാം നന്നായി മിക്സ് ചെയ്ത് പൊങ്ങാൻ വെക്കുക.നന്നായി പൊങ്ങി വന്നതിനു ശേഷം ഉപ്പ് ചേർത്ത് ഇളക്കുക.പിന്നീട് പാത്രത്തിൽ നെയ്യ് തടവി മാവ് ഒഴിച്ച് ആവിയിൽ വേവിച്ചെടുക്കുക.

ചേരുവകൾ:

റാഗിപൊടി-1 കപ്പ്

അവൽ -1 കപ്പ്

ശർക്കര -1 കപ്പ്

തേങ്ങ -1/ 4 കപ്പ്

ഏലക്ക ചതച്ചത്-3 എണ്ണം

നെയ്യ്-1/4 ടിസ്പൂൺ

തയ്യാറാക്കുന്ന വിധം

ഒരു പാനിൽ 1/4 ടി സ്പൂൺ നെയ്യ് ഒഴിച്ച് ചൂടാക്കുക.അതിലേക്ക് 1 കപ്പ് റാഗി പൊടി ഇട്ട് വറുക്കുക.1 കപ്പ് അവൽ മിക്സിയിൽ ഇട്ട് പൊടിച്ചെടുക്കുക.പൊടിച്ചെടുത്ത അവലിൽ തേങ്ങ,ഏലക്ക എന്നിവ ചേർത്ത് മിക്സ് ചെയ്യുക.അതിലേക്ക് റാഗിപ്പൊടി ചേർത്ത് മിക്സ് ചെയ്യുക.ശർക്കര പാനി കുറച്ചു കുറച്ചു ഒഴിച്ച് മാവ് നനച്ചു തയ്യാറാക്കുക.പിന്നീട് മാവ് കൈയിൽ എടുത്തു ഇഷ്ടമുള്ള ആകൃതിയിൽ ഉണ്ടാക്കി ആവിയിൽ വേവിച്ചെടുക്കുക.

ചേരുവകൾ:

റാഗി പൊടി-1 കപ്പ് 

അരിപൊട- 1 കപ്പ്

കടലമാവ്-1/2 കപ്പ്

ഉപ്പ് ആവശ്യത്തിന്

ജീരകം- 1 ടീസ്പൂൺ

ഓയിൽ 2 ടേബിൾ സ്പൂൺ 

തയ്യാറാക്കുന്ന രീതി

റാഗി പൊടി,അരി പൊടി,കടല മാവ്,ഉപ്പ്,ജീരകം,ഓയിൽ എന്നിവ ചേർത്ത് നന്നായി യോജിപ്പിക്കുക.അതിനുശേഷം വെള്ളമൊഴിച്ചു നന്നായി കുഴച്ചു എടുക്കുക.കുഴച്ചു എടുത്ത മാവ് സേവനാഴിയിൽ ഇട്ട് ചൂടായ എണ്ണയിൽ വറുത്തു നന്നായി വെന്ത ശേഷം കോരിയെടുക്കുക.

ചേരുവകൾ:

റാഗി പൊടി-2 ടേബിൾ സ്പൂൺ 

ക്യാരറ്റ് 1 

പഞ്ചസാര-4 ടേബിൾ സ്പൂൺ

പാൽ 1 കപ്പ് 

തയ്യാറാക്കുന്ന രീതി

റാഗിപ്പൊടി ആവശ്യത്തിന് വെള്ളമൊഴിച്ചു നന്നായി ഇളക്കിയെടുക്കുക.അതിനുശേഷം അടുപ്പിൽ വെച്ച് തിളപ്പിക്കുക തിളപ്പിച്ചത് ചൂടാറാൻ മാറ്റി വെക്കുക 

1 ക്യാരറ്റ് വേവിച്ചെടുത്ത് ചെറുതായി മുറിച്ചെടുത്തു മിക്സിയിൽ ഇടുക അതിലേക്ക് ഏലക്ക പൊടി,പാൽ ഒഴിച്ച് അടിച്ചെടുക്കുക.നല്ല റാഗി ഹെൽത്തി ഡ്രിങ്ക് തയ്യാറായി. 

ചേരുവകൾ:

റാഗി -1 കപ്പ്

ഉഴുന്ന്-1/4 കപ്പ്

ഉലുവ-1/4 ടിസ്പൂൺ

ഒരുപിടി അവൽ/ ചോറ്

തയ്യാറാക്കുന്നവിധം:

റാഗിയും ഉഴുന്നും ഉലുവയും 8 മണിക്കൂർ കുതിർക്കാൻ വെക്കുക അതിനുശേഷം ദോശയ്ക്ക് മാവ് അരച്ചെടുക്കുക. അതിന്റെ കൂടെ തന്നെ അവലും ചേർത്ത് അരച്ചെടുക്കുക.തവയിൽ എണ്ണ പുരട്ടി വൃത്താകൃതിയിൽ മാവ് ഒഴിച്ച് ദോശ ചുട്ടെടുക്കാം

 ചേരുവകൾ:

റാഗി -2കപ്പ്

ഉഴുന്ന്-1/2കപ്പ്

ഒരുപിടിചോറ്

തയ്യാറാക്കുന്നവിധം:

റാഗി,ഉഴുന്ന്എന്നിവ കഴുകി 8 മണിക്കൂർ കുതിരാൻ വെക്കുക.അതിനുശേഷം ഒരു പിടി ചോറ് ചേർത്ത് അരച്ചെടുക്കുക.ആവശ്യത്തിന് ഉപ്പ്ചേർത്ത് പുളിക്കാൻ മൂടിവെക്കുക. തയ്യാറാക്കിയ ഇഡലി മാവെടുത്തു ഇഡലി പാത്രത്തിൽ മാവ്ഒ ഴിച്ച് 10-12 മിനിറ്റ്സ് ആവിയിൽ വേവിച്ചെടുക്കുക. നല്ല സോഫ്റ്റ് ആയ ഇഡലി തയ്യാറായി കഴിഞ്ഞു. ചൂടോടു കൂടിചട്ട്ണി അല്ലെങ്കിൽ സാമ്പാർ കൂട്ടി കഴിക്കുക